Yr ardal o’i Amgylch

Lleolir Gwesty’r Worm’s Head mewn ardal o harddwch naturiol dynodedig ym mhentref Rhosili.  Mae golygfa fendigedig dros eangder urddasol Bae Rosili a’r Pen Pyrod enwog, sydd dan berchnogaeth Yr Ymddiriedolaeth Genedlaethol.  Cynlluniwyd y gwesty fel ei bod yn manteisio’n  llwyr  ar ei leoliad ysblennydd ac mae golygfa dros y môr o bob un ystafell wely.  Mae maes parcio dan berchnogaeth breifat gyferbyn â’r gwesty.  Mae Gwesty’r Worm’s Head yn le delfrydol i aros ar gyfer teithio o gwmpas Penrhyn Gŵyr a Gorllewin Cymru, neu aros ac ymlacio dros nos cyn dal fferi i Iwerddon o Abertawe, Penfro neu Abergwaun .

Mae Rhosili yn ganolfan sy’n adnabyddus am weithgareddau awyr agored fel bordhwylio, pysgota, barcuta, dringo a cherdded, ac mae gwarchodfa adar enwog ym Mhen Pyrod.  Bydd y rhai llai egnïol yn sicr o ddod o hyd llecyn tawel ar Fae Rhosili, sy'n ymestyn am dair milltir islaw’r gwesty. Hwyrach y dymunwch fynd am dro ar y clogwyni gerllaw a mwynhau’r dirwedd odidog.

Atyniadau

Gower Heritage Centre - Lleolir y ganolfan ym mhentre’ Parkmill, 8 milltir i’r gorllewin o Abertawe.  Canolbwynt  y ganolfan yw melin hanesyddol 800 oed a ddefnyddir at ŷd a llifio pren ac a yrrir gan ddŵr. Mae yno hefyd weithdai crefft sy’n dod â hen grefftau gwledig lleol yn fyw.  Yn ogystal, mae arddangosfeydd o hanes gwledig a threftadaeth Gŵyr, amgueddfa amaethyddol, ystafelloedd te mawr a'r gweithdy a’r theatr bypedau i blant.  Ffôn: 01792 371206

www.gowerheritagecentre.co.uk

The Dylan Thomas Centre - Lleolir Canolfan Dylan Thomas yn Abertawe, yn ganolbwynt astudiaethau a digwyddiadau a seilir ar Dylan Thomas.   Mae yno arddangosfa barhaol am Dylan Thomas a’i fywyd yn ogystal â siop llawn llyfrau, posteri a phethau cofiadwy. Mae’r ganolfan hefyd yn fan cynnal rhaglen lenyddiaeth Tŷ Llên sy’n cynnal nifer o ddigwyddiadau llenyddol yn ystod y flwyddyn, gan gynnwys Gŵyl Dylan Thomas a gynhelir yn flynyddol ym mis Hydref a mis Tachwedd.  Ffôn 01792 463980

www.dylanthomas.com

The Chocolate Factory - Dewch i ymweld â’r Ffatri Siocled.  Cynhelir teithiau cyson drwy’r flwyddyn.  Mae’r teithiau’n rhoi gwybodaeth diddorol am siocled ac mae digon o gyfle i flasu ar y ffordd o gwmpas.  Edrychwch ar ein gwefan am ddyddiadau a gwybodaeth bellach.  Mae’n hanfodol cadw lle ymlaen llaw i sicrhau mynediad.  Mae’n bosib bydd ymwelwyr sy heb gadw lle yn cael eu gwrthod. Ffôn 01792 561617

www.thechocfactory.com

Gower Sport Flying - Ar ben y profiad cyffrous o wasgu mewn i awyren fach a chodi o dir anwastad Comin Gŵyr ym Maes Awyr Abertawe, cewch olygfeydd trem aderyn bendigedig o’r Penrhyn. Ymlaciwch a chael eich tywys drwy’r awyr am antur 30 munud neu cymerwch y llyw a hedfan yr awyren dros eich hunan (dan oruchwyliaeth peilot trwyddedig wrth gwrs!). Ffôn: 01792 208933

www.swansea-sport-flying.co.uk

Gweithgareddau

Gower Coast Adventure - Beth am gymryd rhan mewn taith syfrdanol o gwmpas arfordir Gŵyr gan gynnwys Pen Pyrod, Mwmblws, Port Einon a Bae Tri Chlogwyn.  Cewch weld cyfoeth o fywyd gwyllt y môr gan gynnwys morloi yn chwarae yn eu cynefin naturiol, clywed straeon hanes lleol rhyfeddol ac edmygu’r golygfeydd a ysbrydolodd barddoniaeth enwocaf Dylan Thomas.  Hyn oll ynghyd â’r wefr unigryw wrth i ni sgimio ar draws y dŵr agored. Ffôn: 01792 540386

www.gowercoastadventures.co.uk

Perris Wood Archery Centre - Lleolir ym Mhenmaen ar benrhyn hardd y Gwŷr i'r Gorllewin o Abertawe.  Dysgwch saethyddiaeth, sy’n sgil hynafol, dan hyfforddiant a goruchwyliaeth un o’n hyfforddwyr trwyddedig yn yr unig ganolfan o’r math yn Ne Cymru.  Mae’r ganolfan ar agor drwy’r flwyddyn gyda meysydd tu fewn a’r tu allan. Ffôn 01792 371661

www.perriswoodarchery.co.uk

Euphoria Sailing & Watersports For all - Wedi ein lleoli ym Mhenrhyn Gŵyr ym Mae Oxwich a Marina Abertawe, darparwn chwaraeon dŵr a chyrsiau CHI mewn sgïo ar y dŵr, hwylio, teithiau cwch modur a brigdonni. Mae pecynnau gwyliau gweithgareddau i deuluoedd a phecynnau corfforaethol ar gael hefyd ynghyd â gwasanaeth cynhwysfawr llogi cychod ac offer. Ffôn: 01792 2345012

www.watersports4all.com

Parc Le Breos Riding Centre - Saif mewn parc 70 cyfer ym Mhenmaen Gŵyr, oedd arfer bod yn barc ceirw yn perthyn i ystâd William de Breos, Arglwydd Normanaidd Gŵyr.  Mae gan ein tywyswyr gwobrwyed wybodaeth heb ei hail am y llwybrau gorau a chyflwr yr ardal leol.  Byddan nhw hefyd yn rhannu eu gwybodaeth am y diwylliant lleol, hanes a thraddodiadau â chi mewn awyrgylch dymunol.  Ffôn 01792 3771636

www.parc-le-breos.co.uk